Д.Болд баатрын дүрд хувилжээ

“Монгол поп” урсгалыг үндэслэгч дуучин Д.Болд өөрийн шинэ цомгийнхоо бүх дуунд клип гаргахаар тун завгүй ажиллаж байгаа билээ. Түүний цомогт багтсан “Хээрийн салхитай аялгуу” дууны клип энэ долоо хоногт үзэгч олонд хүрэхэд бэлэн болоод буй аж. Нэрт дуучин маань шинэхэн клипээ өөрийн өвөө болох Ардын хуурч Жамъян агсны гэгээн дурсгалд зориулж бүтээсэн нь урьд урьдын клипүүдээс нь онцлогтой гэнэ. Клипний зурагт авалтыг “Hero” энтертайнмэнт бүтээсэн бөгөөд хээр талын монгол ахуй, амьдралыг харуулсан бүтээл болсон гэдгийг дуучин онцолж байсан.  Сонирхуулахад дуучин Д.Болд баатрын дүрд хувилсан гэнэ.  Клипэнд гавьяат жүжигчин Ж.Сүххуяг, дуучны өвөөгийнх нь шавь морин хуурч, ардын жүжигчин Батсайхан,  “Шуранхай” хамтлаг, морин хуур урлаач мастер Байгалжав зэрэг Монголын урлаг соёлд өөрийн гэсэн мөрөө үлдээсэн алдар хүндтэй хүмүүсийг урьж тоглуулсан байна.
Залуусаа сэтгэгдэлээ үлдээгээрэй

Hийтлэлийн ангилал: Одод